En bleras branschas dettia anc adina problems da structura che tegnan bass l'inflaziun ed il creschament, ha ditg Jordan en in'intervista cun pliras gasettas. Pir cura ch'ins haja surventschì questas refurmas e generar dapli creschament possia il nivel dal tschains crescher cuntinuadamain. Uschè lunsch na saja la Svizra dentant anc betg, ha Jordan punctuà.
Stadis Unids han influenza
Malgrà ch'ils tschains n creschids en ils Stadis Unids da l'America resta la banca naziunala Svizra tar sia politica monetara da tschains negativs. I na saja anc betg transparent tge politica economica ch'ils Stadis Unids veglian applitgar en il futur. Perquai na possian ins anc betg giuditgar la situaziun a moda seriusa. La banca stoppia reducir il squitsch sin il franc svizzer. Perquai sajan ils tschains negativs il mument anc in element central. Ils tschains negativs èn il mument tar minus 0,75 pertschient.
RR novitads 6:00