La polizia tessinaisa ha stuì serrar l'autostrada A2 en omaduas direcziuns sco era la via chantunala, quai tranter il tunnel da Monte Ceneri e Lugano. Ina lingia da gas impurtanta era vegnida donnegiada da lavurers. Sco la polizia ha declerà n'è la populaziun betg stada en privel.
L'autostrada A2 è puspè vegnida averta enturn las 17:00. Il traffic è dentant anc stà disturbà pli ditg en il Tessin.
