Legenda:
Ricardo.ch ha puspè in possessur svizzer.
Keystone
cuntegn
Svizra - Tamedia cumpra Ricardo
Il concern da medias Tamedia cumpra la plattafurma d'aucziun Ricardo da la possessura actuala, il concern da medias Naspers da l'Africa dal sid, quai communitgescha Tamedia.
La surpigliada da 240 milliuns francs, sto anc vegnir lubida da las autoritads da concurrenza. Ricardo occupescha actualmain 190 persunas ed ha fatg l'onn passà ina sviueta da radund 40 milliuns francs. La plattafurma d’aucziun è vegnì fundà il 1999 a Baar en il chantun Zug. Il 2008 era la plattafurma commerziala vegnida vendida al concern sid-african.
