Legenda:
Syngenta ha fatg l’emprim quartal da quest onn 1% damain svieuta.
Keystone
cuntegn
Svizra - Syngenta cun damain svieuta en l’emprim quartal
Il concern d’agrochemia Syngenta ha fatg l’emprim quartal da quest onn 3,7 milliardas dollars svieuta. Tenor atgna communicaziun saja quai 1% damain che durant la medem perioda da l’onn avant.
Tenor il schef da la Syngenta, Erik Fyrwald, saja l’entschatta da l’onn 2017 stà problematic per ils purs. La fatschenta saja dentant stabila ed ins possia cuntanscher la finamira per l’onn.
Fusiun duai esser terminada il matg
Il concern ChemChina surpiglia Syngenta per 43 milliardas dollars. La fusiun duaja esser terminada il matg. La fusiun tranter ChemChina e Syngenta è vegnida approvada da pliras cumissiuns da concurrenza, per part sut tschertas cundiziuns.
