Suenter las bleras investiziuns dals manaschis da pendicularas dals ultims onns, dettia uss ina surpurschida, di Andreas Deuber envers Radio SRF. El maina la sparta da turissem da la Scola auta da tecnica ed economia da Cuira. La surpurschida existia cunzunt ordaifer ils temps da gronda fulla, sco per exempel durant l'emna e la stagiun bassa.
Plinavant na sajan betg tuttas pendicularas en funcziun sur onn. En il chantun Grischun fetschian las pendicularas 90% da lur svieuta durant l'enviern. Perquai saja la concurrenza tranter ils territoris da skis gronda. Bleras pendicularas stoppian batter da surviver.
RR novitads 08:30