-
Bild 1 von 5Legenda: Il Super Puma è crudà giu enturn las 12:00 en la vischinanza da l'ospizi dal Gottard. Perditga-SRF -
Bild 2 von 5Legenda: Il helicopter ch'è sa disgrazià mesemna al Gottard. Keystone
-
Bild 3 von 5Legenda: La crudada dal Super Puma haja chaschunà per dus morts. Keystone
-
Bild 4 von 5Legenda: Tar il helicopter crudà sa tracti d'in dal tip Super Puma da l'armada svizra. Keystone
-
Bild 5 von 5Legenda: Il Super Puma è in helicopter da transport ed ha plaz per 18 passagiers. Keystone
Quai ha l'armada confermà:
- Il Super Puma è crudà giu la mesemna datiers dal ospizi dal Gottard durant in'inspecziun entras l'OSCE
- Omadus pilots èn morts - in assistent da sgol è blessà. Il blessà saja en in bun stadi fisic e psichic
- Il helicopter ha sdrimà in cabel da forza electrica
- I na dat nagins indizis sin sbagls tecnics
- La flotta dal Super Puma cuntinuescha cun il traffic aviatic
Tge è schabegià?
Mesemna da mezdi è crudà giu sper l'ospizi dal Gottard in helicopter dal militar. Durant in'inspecziun da l'Organisaziun per la segirezza e la collavuraziun en l'Europa, OSCE, sajan ils quatter uffiziers franzos e plirs accumpagnaders svizzers sortids da l'helicopter durant in curt atterrament. Curt suenter la cuntinuaziun dal sgol saja lura capità l'accident.
Tenor perditgas sgulava il helicopter dal tip Super Puma datiers dal terren per chargiar material u persunas. Latiers saja el collidà cun in cabel electric ed haja piglià fieu.
RR novitads 8:00