Sin l'A2 tranter Wassen e Göschenen stattan ils autos en colonna sin ina lunghezza da trais kilometers. Medemamain tranter Quinto ed Airolo hai ina colonna da quatter kilometers. Quai munta ch'igl è da preschent da spetgar al nord da quai da mes'ura ed en il sid fin ad in'ura.
Da preschent vegn cusseglià a las automobilistas ed als automobilists da sviar las colonnas sur l'A13. Tranter Givaulta e Rehanau stattan ils autos dentant er gia, sco er sin la via chantunala tranter Cazas e Rehanau.
Vacanzas han cumenzà d'endretg
Igl è la prima fin d'emna cun traffic da viadi intensiv sin l'axa nord-sid. La raschun en las vacanzas da Stad che han cumenzà en blers chantuns sco er il traffic da vacanzas da l'Ollanda e da la Germania.