Legenda:
Tenor il president da Travail.Suisse Adrian Wüthrich marscha l'economia bain, uschia che las firmas possian conceder in augment da paja.
Keystone
cuntegn
Svizra - Sindicats: Betg mo pussaivel, mabain necessari d'auzar las pajas
L'uniun tetgala dals lavurants Travail.Suisse pretenda augments da paja da radund 1% per l'onn proxim e per differentas branschas.
La situaziun economica saja stabila, communitgeschan Travail.Suisse e las federaziuns affiliadas. La situaziun stabila saja era d'engraziar a l'engaschi ed a la flexibilitad dals lavurants. Quai stoppian ins ussa remunerar. In augment da las pajas saja pussaivel e necessari; quai era ord vista da l'economia publica.
