Legenda:
Anc l’october 2015 fascheva Sika quint cun ina creschientscha da be 5%.
Keystone
cuntegn
Svizra - Sika ha augmentà sia svieuta il 2015
Il concern da material da construcziun Sika è creschì marcant l’onn passà. La svieuta da 5,49 milliardas francs munta in augment da 6,2% en cumparegliaziun cun l’onn avant. Quai è dapli ch’il concern aveva spetgà.
En il quart quartal saja la svieuta creschida per 8,3% en cumparegliaziun cun avant in onn, scriva Sika. L’interpresa cun sedia en il chantun Zug ha avert l’onn passà nov fabricas e trais sedias. Il concern è creschì dapertut sin il mund.
Il resultat da svieuta vesa or pli turbel cun resguardar il curs da stgomi dal ferm franc: lura sa mussa ina diminuziun da la svieuta da 1,5%.
Anc naginas novas datti areguard la dispita da fusiun cun l’interpresa franzosa Saint-Gobin.
