Cunter la plattafurma «booking.com» haja el gia inoltrà in'examinziun. Quai ha el ditg a chaschun da la presentaziun da ses rapport annual. Meierhans prenda en mira talas plattafurmas , perquai che quellas possian trair a niz la tecnica digitala per segmentar il martgà e chatschar tras pretschs memia auts.
In'auter punct central dal survegliader dals pretschs vegnan ad esser ils custs da sanadad. La relaziun tranter ils pretschs e la qualitad dals tractaments en ils ospitals svizzers possia vegnir anc meglra cumpareglià cun ospitals da l'exteriur.
Meierhans pretenda ultra da quai da regular ils pretschs da medicaments , per exempel da controllar ils pretschs mintg’onn.
RR novitads 10:00