Legenda:
Sin buna via –
la cunvegna tranter l'AutoDaPosta SA ed ils 18 chantuns è valaivla.
Keystone
cuntegn
Svizra - Scandal AutoDaPosta SA – cunvegna cun chantuns è valaivla
Ils 18 chantuns, ch'èn stads pertutgads dal scandal da l'AutoDaPosta SA èn cuntents cun ils raps, ch'els survegnan enavos. Perquai saja la cunvegna tranter ils chantuns e l'AutoDaPosta SA valaivla, mussan retschertgas da SRF.
L'interpresa AutoDaPosta SA ha da pajar enavos raps a 18 chantuns: En tut èn quai 190 milliuns francs. Cun quai che tut ils 18 chantuns cumpigliads sajan cuntents cun las restituziuns, saja la cunvegna valaivla, rapporta SRF.
In da quels 18 chantuns che ha ditg GEA è il
Grischun
. Quel po quintar cun restituziuns da radund 21 milliuns francs. Circa in quart da quella summa va a las vischnancas.
