Il cadaver d'animal chattà en il Vallais a la riva da la Rhone era in luf. El saja vegnì sajettà sco quai che la chanzlia dal chantun Vallais communitgescha.
Legenda:
In luf en il chantun Vallais l'onn 2013.
Keystone
In pestgader aveva chattà il cadaver il glindesdi passà. Entant saja segir ch'il luf saja mort pervi dad ina blessura d'in sajet. Cura ch'il luf è vegnì sajettà n'è betg enconuschent.
L'uffizi chantunal responsabel ha inoltrà ina denunzia cunter nun-enconuschent. L'institut da patologia da l'universitad da Berna examinescha ussa il cadaver dal luf.
