Persunas sentenziadas pervi da pedofilia na dastga mai pli lavurar cun uffants, vul il Cussegl federal scriver en la constituziun. En cas pli levs vul il Cussegl federal però far excepziuns. Quai ha ditg la cussegliera federala Simonetta Sommeruga a las medias.
Varianta senza excepziuns è era sin maisa
Sco alternativa trametta il Cussegl federal era en consultaziun la varianta senza excepziuns sco previs en l'iniziativa. Tenor il Cussegl federal èsi la finamira da manar in discurs fundamental en la societad.
Il matg 2014 aveva il pievel acceptà l'uschènumnada «iniziativa da pedofils» cun 64% da las vuschs.
RR novitads 15:00