Legenda:
En trais onns duai dar novas reglas davart il dumber da medis esters che pratitgeschan en Svizra.
Keystone
cuntegn
Svizra - Probabel be pli 3 onns per il «stop d'admissiuns per medis»
Il Cussegl dals chantuns ha approvà oz in postulat cun la pretaisa ch'il Cussegl federal elavuria entaifer trais onns alternativas per reglar il dumber da medis e medias en Svizra.
Oz impedescha il «stop d'admissiuns per medis e medias» che massa blers medis da l'ester pratitgeschan en Svizra. Il stop na persvada però betg ad ina maioritad dals parlamentaris sco soluziun a lunga vista.
Refusà ha il Cussegl dals chantuns dentant ina moziun da la PPS che pretenda che a partir d'in tschert dumber da medis e medias vegniss introducida la libertad da contact. Quai vuless dir che las cassas da malsauns pudessan tscherner sezzas cun tge medis e medias ch'ellas vulessan far contracts da prestaziun.
