«Cahier africain» da la reschissura svizra Heidi Specogna è vegnì undrà a Berlin cun il premi da film tudestg sco meglier film documentar. En il film «Cahier africain» vai per il destin da dunnas maltractadas en la Republica Centralafricana.
Grond victur da la saira è il film «Toni Erdmann» da la reschissura Maren Ades. La cumedia tragica ha gudagnà gist 6 Lolas: il premi principal, quel per la meglra reschia, il meglier scenari, il meglier tagl ed ils acturs Sandra Hüller e Peter Simonischek sco megliers acturs.
RR novitads 10:00