La posta planisescha in ulteriur pachet da spargn da total 42 milliuns francs. En vista a la chareschia e la luna da consumentas e consuments, stoppian ins spargnar anc dapli, ha confermà la posta sin dumonda da l'agentura da novitads Keystone-SDA. Pertutgads dals plans da spargn sajan las partiziuns finanzas, persunal, communicaziun, tecnologia ed il stab.
Dapli n'ha la posta però betg vulì tradir. L'annunzia dal Blick che 300 persunas ristgian da perder lur plazza, ha la Posta taxà sco pura speculaziun n'ha però ni confermà ni dementì. La stad aveva la Posta bain anc scrit in gudogn per l'emprim semester da quest onn. Il gudogn n'è però stà gnanc la mesadad dal gudogn da l'emprim semester da l'onn passà.
