Legenda:
L'onn 2045 fiss pli che la mesadad da la populaziun svizra sur 65 onns veglia.
Keystone
cuntegn
Svizra - Populaziun vegn pli e pli veglia
La populaziun svizra vegn marcantamain pli veglia ils proxims 30 onns. Quai resulta d'in scenari che l'uffizi federal da statistica ha fatg sin fundament d'ipotesas d'experts da la confederaziun.
Actualmain èn da 100 persunas radund 30 sur 65 onns veglias. L'onn 2045 s'augmenta quest dumber sin fin 50 persunas e muntass che la mesadad da la populaziun svizra fiss lura sur 65 onns veglia. Tenor ils scenari dumbra la Svizra l'onn 2045 radund 10,2 milliuns abitantas ed abitants. L’augment sa basa per gronda part sin fundament da la migraziun e betg da las naschientschas.
