Ultra da quai pretenda la PBD grischuna da la regenza ina strategia da furmaziun e perscrutaziun. «En il program da la regenza 2017-2020 manca ina strategia», ha constatà il president Andreas Felix. Quai saja ina da las sfidas grondas.
Cun talas propostas concretas vul la PBD empruvar dad unir las partidas dal center. Quai è tenor Felix necessari per far frunt a las partidas als pols politics. Cun unir il center cun propostas communablas enstagl da sa laschar aint en discussiuns e speculaziuns davart structuras e fusiuns da partidas possia la PBD prosperar.
Las parolas per ils projects dal favrer
Per las votaziuns dals 28 da favrer ha la Partida burgais-democratica dal Grischun decis las parolas da na
- l'iniziativa per il repatriament effectiv da la PPS
- l'iniziativa da la PCD davart il chasti da maridar
- l'iniziativa cunter speculaziuns cun nutriment da las partidas sanestras ed ovras caritativas
Sustegnair sustegnan ils delegads e las delegadas da la PBD dal Grischun sulettamain
la midada da la lescha federala davart il traffic da transit sin via en il territori da las Alps per la sanaziun dal tunnel da via tras il Gottard (segund tunnel).
RR novitads 09:00