Il reschissur Chinais Wang Bing era l’onn passà en la giuria dal festival, e nagin dals critichers da film na l'avevan sin il radar per il premi principal dal festival, scriva l’agentura da novitads sda.
Il leopard per la meglra actura va ad Isabella Huppert en il film «Madame Hyde» e per il meglier actur ad Elliott Crosset Hove en il drama «Vinterbroder». Ils premis vegnan surdads sin la Piazza Grande a Locarno, nua ch'i vegn era communitgà il victur dal premi dal public.
RR novitads 16:00