900'000 persunas han visità la «Streetparade 2017». A Turitg èn sa rimnadas pli u main tuttina bleras persunas sco l'onn passà, han ils organisaturs communitgà sin Facebook.
1 / 7
Legenda:
Tar da tut las sorts beats da tecno da DJs e DJanes vegn sautà.
Keystone
2 / 7
Legenda:
Unicorns ed auters animals èn stads da vesair a Turitg.
Keystone
3 / 7
Legenda:
Cun e senza costums vegn sautà.
Keystone
4 / 7
Legenda:
Tut che sauta: Sin e sper ils «Love Mobiles».
Keystone
5 / 7
Legenda:
Vesair, e vegnir vesì – vala per participantas e participants che sa mettan en posa a la «Streetparade 2017».
Keystone
6 / 7
Legenda:
Participants che piglian serius il motto da la «Streetparade 2017»: «Love never ends».
Keystone
7 / 7
Legenda:
La «Streetparade 2017» ha entschiet a Turitg tar temperaturas enturn 20°.
Streetparade sin Facebook
900'000 persunas hajan sautà tar ils rittems da tecno a la «Streetparade», ed i n'haja dà nagins incaps pli gronds, han communitgà ils organisaturs sin Facebook. Da mezdi ha la polizia avertì da laders e ch'ins duai far attenziun dad objects da valur. Per il persunal da protecziun e salvament haja quai dà radund in terz damain da far che l'onn passà, schegea ch'i saja lura stà circa tuttina blera glieud a Turitg. Tenor ils organisaturs ha quai da far sur tut cun l'aura agreabla d'enturn 20 grads. Uschia sajan pli paucas persunas stadas dehidradas.
Las 14:00 aveva cumenzà la 26avla «Streetparade» en la citad da Turitg sut il motto «Love never ends». Fin las 10 vegnan ils «Lovemobiles» a charrar sin la ruta da dus kilometers tras Turitg.