Nos corp senta pli pauc la midada l'atun che la primavaira, cura che l'ura vegn tschentada enavant. Quai mussan studis da la SUVA. Il motiv saja, che nus gudagnain l'atun ina ura. Uschia ha la dumengia 25 uras, quai pussibiliteschia da ruassar bain.
Ma tuttina patescha il bio-ritmus e la qualitad da durmir. Nus avain sco in pign jetlag. La SUVA ha in pèr tips, co surmuntar bain la midada. Per exempel:
- durmir: Ir mintga di in quart d'ura pli tard a letg che usità per sa preparar.
- glisch 1: Quella è in impurtant indicatur da temp. Perquai ir a spass durant il di, schi tard sco pussibel, cu igl è dentant anc cler.
- glisch 2: Glisch artifiziala gida. Perquai, sch'ins ha problems, evitar dad ir la saira a kino u en in'ustaria stgira.
- ritmus: Sa tegnair vid in ritmus da durmir regular suenter la midada.
- alcohol e cafein: Quels che han bregia cun la midada, desister sin alcohol e cafein avant da durmir.
- tablettas da durmir: N'èn betg la schliaziun. Il corp dovra simplamain trais fin 14 dis enfin ch'el è s'adattà.
RR actualitad 08:00