Chaliras a Cuira – fotos d'audituras ed auditurs
-
Bild 1 von 5Legenda: Ed anc in termometer da Schluein, questa giada cun 34 grads. MAD, Jasmine Luck -
Bild 2 von 5Legenda: 32 grads mussa quest termometer a Schluein. MAD, Jasmine Luck
-
Bild 3 von 5Legenda: A Cuira èsi era chaliras. MAD, Ursula Luck
-
Bild 4 von 5Legenda: Chaliras er en in auto a Cuira. MAD, Carmen Otero
-
Bild 5 von 5Legenda: Chaliras a Cuira. MAD, Irene Läubli
Curta survista:
- MeteoSvizra ha edì per las planiras en l'entira Svizra in avertiment da chalira perquai ch'i na vegn betg mo chaud mabain er umid.
- En tscherts chantuns datti in sistem da «Buddy»: Quai èn voluntaris che s’occupan da persunas ch’èn fitg periclitadas sco seniors e malsaunas.
- Ils chantuns da la Svizra tudestga desistan sin quest sistem da «Buddy», vulan dentant infurmar pli intensiv la populaziun.
L’umiditad da l’aria s'augmenta ils proxims dis e perquai è la chalira anc pli dischagreabla.
Oz creschan las temperaturas en Svizra sin fin 35 grads. En ils chantuns Genevra, Vad e Tessin datti gidanters voluntaris, ils uschènumnads Buddys che s'occupan da persunas periclitadas sco vegls e malsauns.
Avertiments da chalira
Ils avertiments da chalira èn ina consequenza da la stad da chalira 2003 che ha chaschunà 1'000 morts. Per che quai na succedia betg anc ina giada, ha la Confederaziun laschà metter ensemen recumandaziuns per ils chantuns. Quels van da dar ora aua da baiver gratuita sur campagnas d'infurmaziun cun tips da cumportament fin voluntaris che s'occupan da persunas periclitads sco vegls e malauns, els vegnan era numnadas Buddys.
Chantuns ageschen autonom
En general èsi surlaschà a mintga chantun sez sche e tge mesiras ch'els vulan prender. E perquai datti 26 e pliras pli u main differentas modas e maniers da proceder cunter la chalira da stad. Ils proxims dis vegn la chalira dentant a tschiffar l'entira Svizra.
RR novitads 07:00
Be en l'umbriva, «Ice Bucket Challange», in glatsch per marenda… Co faschais Vus frunt a la chalira?