En Svizra hai dà l’onn passà marcantamain pli paucs pops. Quai mussan las novas cifras da l'Uffizi federal da statistica (BFS). L’onn passà èn naschids 82’371 pops en Svizra quai, èn 8% pli pauc ch’il 2021.
En il Grischun è quella differenza cun 8,5% sumeglianta. Là èn l’onn passà naschids 152 uffants pli pauc ch'anc il 2021.
Tenor il BFS dettia probabel differents motivs per quest svilup, tranter auter la situaziun finanziala u era quittads per l’avegnir. Dentant era las bleras naschientschas dal 2021 savessan avair gì in effect. Er èn dapli uffants morts durant l’emprim onn da vita; la mortalitad è creschida da 3,1 mortoris per 1’000 naschientschas sin 3,8 mortoris.
