![Hanspeter Cadonau il Rumantsch a Quinten](https://il.srgssr.ch/images/?imageUrl=https%3A%2F%2Fdownload-media.srf.ch%2Fworld%2Fimage%2Fvideo%2F2016%2F07%2F327c475170e94106bdb34ae731c7dddc.png&format=jpg&width=960)
![Impressiuns a la riva dal Lai Rivaun](https://il.srgssr.ch/images/?imageUrl=https%3A%2F%2Fdownload-media.srf.ch%2Fworld%2Fimage%2Fvideo%2F2016%2F07%2F60abab62778e49cebe8e5dfd60092db7.png&format=jpg&width=960)
A la riva dal nord dal lai s'eleva bunamain sidretg la paraid da granit da la chadaina da muntognas Churfirsten. Tschella vart dal lai enconuschan ils blers dal punct da vista dal tren u da l'auto sin viadi da Cuira a Turitg. Tge porscha questa cuntrada enturn il Lai Rivaun? RTR dat in'egliada pli exacta e rapporta.
-
audioSaira: Lai Rivaun - a Quinten tar il pur rumantsch Hampi Cadonau04:00 min, ord Actualitad dals 07.07.2016.laschar ir. Durada: 4 minutas.
-
audioSaira: Lai Rivaun - discurs cun in abitant da Quinten03:44 min, ord Actualitad dals 07.07.2016.laschar ir. Durada: 3 minutas 44 Secundas.
-
audioMezdi: Lai Rivaun - Tgi fa bogn en il lai02:22 min, ord Actualitad dals 07.07.2016.laschar ir. Durada: 2 minutas 22 Secundas.
-
audioMezdi: Lai Rivaun - Daco là?03:21 min, ord Actualitad dals 07.07.2016.laschar ir. Durada: 3 minutas 21 Secundas.
Quinten - accessibel sulet cun bartga
Cifras Lai Rivaun
- autezza: 419 meters sur mar
- surfatscha: 24,1 km²
- lunghezza: 15,5 km
- ladezza 2 km
- profunditad maximala: 145 m
- volumen 2,52 km³
Insatge spezial è la vischnanca pitschna da Quinten, a la riva dal nord dal lai. Quinten cuntansch'ins be cun la bartga u cun ir davent da Walenstadt bunamain trais uras a pe. Era la suletta insla sin il lai – la «Schnittlauchinsel» – è ina tut speziala. Daco che l'insla sa numna uschia n'è betg enconuschent. Forsa savura ella da tschagugliuns, tgi sa?
Tgi stat pomai qua?
In abitant dal vitget Quinten é Hanspeter «Hampi» Cadonau, che è oriund da Vuorz. Gia dapi trais onns viva el a Quinten cun sia dunna. A Quinten ha el bler da far: Per exempel guardar da ses portgs pailus ed asens u tgirar sias vignas, nua che el producescha duas differentas sorts vin. Il vin da Hampi è, sco el di, in vin rumantsch e ha perquai era nums rumantschs: «La Randulina» e «Gion Gialet».
Walensee - Lai dals Welschs
Il num «Walensee» munta tant sco «Il lai dals Welschs», perquai ch'il lai era il temp medieval il cunfin tranter il territori rumantsch ed il territori tudestg (Alemans). Ils Tudestgs che na chapivan betg la lingua, schevan simplamein al rumantsch il «welsch», uschia ch'il lai ha medemamain survegnì quest num.
![Lai.](https://www.rtr.ch/static/cms/images/960w/7e8a4f.jpg)
![Persunas a la riva dad in lai.](https://www.rtr.ch/static/cms/images/960w/e65bf3.jpg)
![Andas sin il lai.](https://www.rtr.ch/static/cms/images/960w/80199c.jpg)
![Funtauna.](https://www.rtr.ch/static/cms/images/960w/b7e4f2.jpg)
![Ina famiglia da cigns a la riva da Murg.](https://www.rtr.ch/static/cms/images/960w/ea9d6b.jpg)
![Vesta davent da Murg direcziun Walenstadt.](https://www.rtr.ch/static/cms/images/960w/8fd73d.jpg)
![Vista sin il vetget Quinten. Il vitg cun radund 50 abitants pon ins be cuntanscher cun bartga u a pe davent da Walenstadt (3,5 h):](https://www.rtr.ch/static/cms/images/960w/22781b.jpg)
![Vista davent amez il Lai Rivaun sin il vitget da Quinten.](https://www.rtr.ch/static/cms/images/960w/c02e20.jpg)
![um va cun bartga](https://www.rtr.ch/static/cms/images/960w/89c977.jpg)
![Tavla da lieu.](https://www.rtr.ch/static/cms/images/960w/1c32e1.jpg)
![Streglia.](https://www.rtr.ch/static/cms/images/960w/688e14.jpg)
![cuntrada dal Lai Rivaun](https://www.rtr.ch/static/cms/images/960w/ff2638.jpg)
![dus portgs pailus](https://www.rtr.ch/static/cms/images/960w/7a9a24.jpg)
![dus asens en in curtgin](https://www.rtr.ch/static/cms/images/960w/bbcc6f.jpg)
In lai per pitschen e grond
Da dis da bellezza èn pitschen e grond, giuven e vegl a la riva dal lai Rivaun. I vegn fatg bogn u simplamain giudì il sulegl e la bella cuntrada. In u l’auter giauda il lai sin in pedalo u sin ina bartga a motor e cursescha sur il Lai Rivaun. Quels che na pon betg ir en l’aua frestga, giogan ping-pong u dattan ina partida bal a rait.
Durant in di da stad, sco oz, èn blers turists da chattar en las ustarias a la riva. I vegn giudì la bella survista sin il lai ed il sulegl che splendura en fatscha.
Pli baud veseva quai ora in zichel auter...
U almain era la situaziun da traffic ina autra sco ins vesa en la Tagesschau dals 26 da december 1975.
RR actualitad 12:00