Dapi il cumenzament dal cumbat electoral valeva Karin Keller-Sutter sco clera favurita dals liberaldemocrats. La candidatura da ses concurrent Hans Wicki è adina puspè vegnida titulada sco candidatura dad alibi. Sia rolla da favurita ha Keller-Sutter confirmà tar l'elecziun. 154 dals parlamentaris e da las parlamentarias han dà la vusch a Keller-Sutter.
La translatura ch'è politicra cun corp ed olma
La Songagliaisa da 54 onns ch'ha emprendì translatura è dapi il 2011 en il Cussegl dals chantuns. En quest temp ha ella pudì bajegiar si ina buna rait en Chasa federala. Karin Keller-Sutter ha dentant er experientscha en la politica chantunala. Ella è stada parlamentaria e cussegliera guvernativa dal chantun Son Gagl.
Gia avant otg onns aveva Karin Keller-Sutter gì ambiziuns da daventar cussegliera federala. Johann Schneider-Ammann aveva da lezzas uras dentant fatg la cursa.
RR novitads