La consequenza da l’iniziativa fissan custs supplementars da mintg’onn 4 milliardas francs. Uschia ha argumentà la maioritad burgaisa dal Cussegl dals chantuns.
L’iniziativa vuless che las rentas d'AVS vegnan auzadas per 10%. Uschia survegniss ina persuna che viva suletta 200 francs al mais dapli, e conjugals enturn 350 francs dapli. Per finanziar quai proponan ils iniziants, d'auzar las contribuziuns da paja u d'incassar ina taglia sin ierta naziunala.
Sco proxim vegn il Cussegl naziunal a sa fatschentar cun l'iniziativa.
RR Novitads 12:00