Cun l'identitad digitala pon las firmas ed autoritads intressadas schlargiar pli segir e pli effizient lur portals online. Cunquai che la SwissID ademplescha diversas cundiziuns da segirezza po il sistem pli tard er vegnir applitgà per e-government e votaziuns electronicas, uschia scriva SwissSign.
Experientschas cun SuisseID
Las enconuschientschas e las experientschas che la Posta e la SwissSign SA han fatg ils ulims onns cun la SuisseID èn culads en il svilup da la SwissID. Lezza cuntegn las pli novas tecnologias per identitads digitalas, è construì a moda modulara e na dovra nagina hardware supplementara. La purschida existenta da SuisseID stat vinavant a disposiziun, vegn dentant a s'integrar a media vista en la SwissID.
RR novitads 14:00