Il moderatur da radio e televisiun Kurt Zurfluh è mort en la vegliadetgna da 67 onns. Quai ha confermà sia famiglia envers Radio SRF. Zurfluh saja mort d’ina insuffizienza dal cor durant in viadi en Cuba.
Passa 40 onns moderatur
Sia carriera ha el cumenzà ils onns 1970 tar il schurnal regiunal da la Svizra Centrala da Radio DRS. Enconuschent è el cunzunt stà per sias moderaziuns da sport en la televisiun e per l’emissiun da musica populara «Hopp de Bäse».
Ils davos onns ha Kurt Zurfluh vivì cun sia partenaria a Weggis en il chantun Lucerna.
RR novitads 08:00