Legenda:
Kathy Riklin ha scrit en ina communicaziun ch'ella saja dischillusa da questa decisiun.
Keystone
cuntegn
Svizra - Kathy Riklin ha violà il secret d'uffizi en il cas Mörgeli
L’affera Mörgeli che ha cumenzà il settember 2012 è sromada vastamain. Uss è ina scena secundara terminada: Il Tribunal federal ha decis da sentenziar Kathy Riklin, perquai ch’ella haja da vinavant infurmaziuns ad in schurnalist a moda nunponderada.
Il Tribunal federal ha sentenzià la cussegliera naziunala da la PCD Kathy Riklin ad in chasti da daners cundiziunà en l’autezza da 10 taxas per di a 380 francs. Il temp d’emprova munta a dus onns.
Tenor il Tribunal federal ha Riklin violà il secret d'uffizi en il cas Mörgeli. Riklin haja dà vinavant in'infurmaziun ad in schurnalist senz’avair ponderà. Quai en connex cun il licenziament da l'ex-cusseglier naziunal Christoph Mörgeli sco directur dal museum medicinal-istoric da l'universitad da Turitg.
