Legenda:
Il 2011 ha Hug AG anc inaugurà in nov furn a Trimbach per demussar sia fidaivladad al lieu.
Keystone
cuntegn
Svizra - Hug serra filiala a Trimbach SO
Il producent da biscuits Hug serra sia fabrica a Trimbach en il chantun Soloturn. Enfin il 2020/21 duai la producziun vegnir spustada tar la sedia principala a Malters, Lucerna. Per engrondir la sedia principala vul Hug investir en tut radund 50 milliuns francs.
Oz lavuran 136 persunas en la fabrica a Trimbach, 126 plazzas cumplainas. Ins veglia occupar vinavant tantas collavuraturas e tants collavuraturs sco pussaivel a Malters, uschia communitgescha la firma. Tuttina quinta il concern da biscuits che radund 15 plazzas crodian davent. La reducziun da questas plazzas duai capitar ils proxims trais onns cun pensiunaments u fluctuaziuns. Il concern na quinta betg cun relaschadas, u sulet cun singulas.
En total ha Hug suenter la restructuraziun anc 340 plazzas cumplainas.
