Legenda:
Suenter las vacanzas da stad cumenzan puspè dapli giuvenils in emprendissadi en la branscha da sanadad.
Keystone
cuntegn
Svizra - Emprendissadis da sanadad plaschan a giuvenils
Ina branscha che na schema betg pervi da memia pauc interess per l'emprendissadi è il sectur da la sanadad en Svizra. L'onn 2014 han var 5'000 emprendistas ed emprendists cumenzà la scolaziun per daventar spezialist per la sanadad.
E per quest onn quinta l'Organisaziun tetgala da las professiuns da sanadad cun in augment da 5 fin 7 %, sco che la gasetta «Schweiz am Sonntag» scriva.
Suenter l'emprendissadi fa dentant mo in terz la scolaziun cuntinuanta per daventar spezialist da tgira, là datti perquai actualmain ina gronda mancanza.
