Legenda:
Era en il futur èn tgirunz e tgirunzas dumandads.
Keystone
cuntegn
Svizra - Dumber da tgirunzs sto crescher anc dapli
Bain è il dumber da las persunas che tgiran vegls e malsauns professiunalmain creschì dal 2010 fin il 2014 per passa 30% – a la branscha manca il persunal dentant tuttina, pertge il basegn crescha anc pli fitg.
En il medem mument na stattan las persunas da tgira betg ditg en lur professiun.
A questa conclusiun vegn il rapport da provediment naziunal dal 2016.
Il pli grond augment da persunal han registrà las organisaziuns da spitex cun passa 20%. Quels che mancan là vegnan recrutads en l'exteriur. Sin 3 persunas da tgira cun in diplom svizzer datti mintgamai duas cun in diplom da l'exteriur.
