Il nov album da DJ BoBo sa numna «Mystorial». Sco el di, è quai l'album il pli colurà ch'el ha realisà fin oz. Perquai ch'el haja gì dapli temp che uschiglio, haja el pudì realisar quest album senza squitsch. Quai sut il moto: ti na stoss betg, ti dastgas.
La confidenza da basa è la clav per il success
DJ BoBo
Per il 25avel giubileum da tribuna ha DJ BoBo era gist realisà ina turnea. L'emprim di da la prevendita èn gia vegnids vendids 25'000 bigliets d'entrada per ils concerts. Il start da la show è venderdi ils 13 da schaner 2017 en l’Europa-Park a Rust en Germania. En Svizra vegn la turnea ils trais da fanadur 2017 a Berna.