Legenda:
Fin ussa n'èn anc betg tut ils posts da mussadras e mussaders occupads.
Keystone
cuntegn
Svizra - Dapli scolasts - però fadia da chattar mussadras
Per l’onn da scola vegnind han las bleras scolas chattà avunda scolasts. Precara resta la situaziun però tar la scolina, tar l’instrucziun da linguas estras e tar la promoziun integrativa, mussa ina retschertga da l’uniun dals maina scola svizzers.
Per chattar persunas ch’instrueschan lavurs da maun cun textilias ni linguas estras en scola primara han sur 60% dals dumandads da l'uniun dals maina scola svizzers inditgà che la situaziun saja greva ni senza speranza.
Tar la promoziun integrativa inditgeschan schizunt 84% dals maina scola che la situaziun saja precara. L’uniun dals maina scola quinta dentant che las bleras plazzas anc libras possian vegnir surdadas, i saja necessari da far cumpromiss.
