Il Parlament federal scursanescha il credit per las giaccas da protecziun da l'armada. Suenter il Cussegl dals chantuns ha era il Cussegl naziunal decidì cun 92:81 vuschs che 170 milliuns francs sajan avunda. Quai èn 29 milliuns francs damain che quai ch'il Cussegl federal aveva proponì.
170 milliuns francs sajan avunda per equipar tut ils commembers da l'armada che sajan effectiv en acziun. Dapli na dovria betg, è la maioritad da la Chombra gronda stada da l'avis.
RR novitads 12:00