Il Cussegl naziunal ha decidì d'auzar automaticamain la vegliadetgna da pensiun per tuts sin 67 onns sche l'AVS vegn en difficultads finanzialas. La chombra gronda ha dentant decidì da prender questa regulaziun ord il «provediment da vegliadetgna 2020».
En il cas extrem vegniss la vegliadetgna auzada en pass da 4 mais enfin maximalmain sin 67 onns. Quai pudess esser realitad en 17 fin 18 onns sche la politica na chatta betg in'autra via per schliar il problem da la finanziaziun da l'AVS. PPS e PLD èn sa mess tras entant che la PS e la PCD dubitescha che questa regla chattas ina maioritad en la populaziun.
