- La decisiun per il cumpromiss è crudada piz a cup.
- La renta per novpensiunads duai vegnir auzada per 70 francs.
- Per finanziar l'AVS duai la taglia sin la plivalur vegnida augmentada per 0,6%.
- Sch'il parlament di gea, decida il suveran ils 24 da settember 2017 en chaussa.
Mardi saira è la conferenza cun 26 commembers, ina mesadad dal Cussegl naziunal e l'autra dal Cussegl dals chantuns, sa decidida cun 14:12 vuschs per il cumpromiss. Uschia perda il Cussegl naziunal, quel vuleva ch’ils assicurads pajan dapli en la segunda pitga per survegnir pli tard tuttina bler renta.
Quest concept è giud maisa cun la decisiun da la conferenza d’intermediaziun.
La via è anc lunga
Sco proxim ston il Cussegl dals chantuns ed il Cussegl naziunal sustegnair u refusar quest cumpromiss. Vuscha en in cussegl ina maioritad na, ha la refurma da las rentas fatg naufragi. Sch’omadus cussegls approvan il project, sto quel la finala anc vegnir tras la votaziun finala dal venderdi. Il termin per la votaziun dal pievel fiss la fin settember.
RR novitads 23:00