En il temp tranter 2005 e 2014 èn ils custs da sanadad per il tractament ambulant uschia creschids per 253 francs per assicurà. In zic pli pauc munta l’augment tar ils medis domiciliads. E per dimoras staziunaras en ospitals hai dà in augment da 20%.
Cun pli auts custs da sanadad creschian er las premias, e quellas sajan il spievel dals custs da sanadad, scriva Santésuisse in di avant che l'Uffizi federal per la sanadad annunzia las premias da las cassas da malsauns per l'onn che vegn.
RR novitads 16:00