En sasez producescha Coca Cola gia dapi il 1936 en Svizra. Matthias Schneider da Coca Cola Svizra ha dentant gia numerusas giadas fatg l’experientscha ch’ils consuments svizzers hajan l’impressiun che la bavronda Coca Cola vegnia importada dals Stadis Unids da l’America. Quai na saja dentant betg il cas.
Be il sirup spezial vegn importà
Sulettamain il sirup spezial da Coca Cola saja importà. Aua, zutger ed il gas èn da la Svizra. Era sche la bavronda naira na vegn probablamain mai ad esser uschè tipicamain svizra sco «Toblerone» u «Rivella», speran ils responsabels tuttina da sensibilisar ils clients sin la derivanza regiunala da Coca Cola.
RR actualitad 08:00