Il 2015 aveva il concern cun sedia a Baar en il chantun Zug anc nudà ina perdita da 5 milliardas dollars. Quai ha communitgà il concern. Era ils debits haja Glencore pudì reducir per 40% sin 15,5 milliardas dollars. Avant paucs onns muntavan ils debits numnadamain anc a 50 milliardas dollars.
Glencore era vegni en la crisa tras la cumpra da l’interpresa da miniera svizra Xstrata. Curt suenter la surpigliada eran ils pretschs per materia prima sa reducids marcantamain ed il concern aveva nudà grondas sperditas.
Las prognosas per l'onn current èn tenor il schef dal concern, Ivo Glasenberg, er positivas.
RR novitads 12:00