Gidar
- Sur il conto postal 10-15000-6 (remartga «Hungersnot in Afrika»). Formulars da pajament datti sin posta.
- Di da collecta 11-4-2017: cun numer da telefon gratuit 0800 87 07 07 a partir da las 06:00 fin las 24:00.
La Chadaina da Fortuna appellescha da gidar pertutgads da fomaz. L'ONU ha gia proclamà uffizialmain il Sudan dal Sid sco regiun da fomaz. Era en la Nigeria e la Somalia è la situaziun ordvart critica. En intginas regiuns vegnan las consequenzas da la pli gronda sitgira dapi 60 onns anc engrevgiadas da conflicts cun armas. Milliuns persunas èn periclitadas da murir da la fom.
Di da collecta ils 11 d'avrigl
Ensemen cun sias organisaziuns associadas - che lavuran en las regiuns pertutgadas en Africa - rimna la Chadaina da Fortuna perquai daners. Ils 11 d’avrigl realisescha la Chadaina da Fortuna ensemen cun la SRG SSR in di naziunal da collecta. Ina da las centralas da collecta vegn endrizzada tar Radiotelevisiun Svizra Rumantscha (RTR) a Cuira.
Projects d'agid
- ADRA en Somalia ADRA en Somalia
- CARITAS en l'Africa da l'Ost CARITAS en l'Africa da l'Ost
- Crusch Cotschna Svizra en il Sudan dal Sid Crusch Cotschna Svizra en il Sudan dal Sid
- HEKS en sis pajais africans HEKS en sis pajais africans
- MEDAIR en Somalia MEDAIR en Somalia
- MEDAIR en il Sudan dal Sid MEDAIR en il Sudan dal Sid
- Save the Children en la Corna da l'Africa Save the Children en la Corna da l'Africa
- Terre des hommes en divers pajais en Africa Terre des hommes en divers pajais en Africa
Gia rimnà in milliun francs
En il Sudan dal Sid drovan 4,9 milliuns persunas agid umanitar. En la Somalia èn quai 2,9 milliuns ed en Nigeria 5,1 milliuns. Las ovras d’agid associadas cun la Chadaina da Fortuna gidan gia. I mancan dentant ils daners per cuntinuar cun la lavur e per cuntanscher tut ils umans pertutgads.
La populaziun Svizra ha gia suenter l’emprim appel da la Chadaina da Fortuna mez mars demussà gronda solidaritad cun las regiuns en l'Africa. Enfin ussa han ins gia pudì rimnar in milliun francs.