Legenda:
En l'exteriur sa participescha il maun public pli fitg als custs per canortas che en Svizra.
Keystone
cuntegn
Svizra - Canortas en Svizra custan per geniturs dapli che en l'exteriur
In plaz en ina canorta d’uffants en Svizra custa tuttina bler sco in plaz en ils pajas vischins Austria, Germania ni Frantscha. Ma geniturs svizzers ston pajar dapli en cumparegliaziun cun geniturs en l’exteriur, quai mussa in rapport dal Cussegl federal.
I na saja strusch pussaivel da sminuir ils custs tar las canortas. Ils gronds custs sajan custs da persunal, scriva il Cussegl federal. Era ils pli lungs temps d’avertura da las canortas en Svizra sajan custaivels.
Chantuns e vischnancas duajan gidar
Dentant vul il Cussegl federal promover ch’ils chantuns ed las vischnancas sa participeschian pli fitg vid la finanziaziun da canortas d’uffants e sustegnian uschia las famiglias.
Il Cussegl federal ha instradà ina proposta per ina lescha correspundenta ils 20 da matg.
