Legenda:
Maletg simbolic:
La polizia ha serrà l'entira plazza avant la staziun da Basilea per intercurir la tastga.
Keystone
cuntegn
Svizra - Basilea: Serra plazza avant la staziun per in'ura
Ina tastga senza possessur ha chaschunà che la plazza avant la staziun da viafier da Basilea è vegnida serrada la bunura per radund 1 ura. Sco la polizia da Basilea citad ha communitgà, era la tastga emplenida cun vestgadira.
L’annunzia ch’i sa chattia ina tastga senza possessur èra vegnida fatga curt avant las 6. Uschia ha la polizia fermà l’entira plazza, pertutgà era er il traffic public.
Ils spezialists da la polizia han alura examinà la tastga e constatà ch’ella na saja nagin privel. Enturn las 7 ha la polizia pudì dar liber il traffic avant la staziun a Basilea.
