En total ha la Svizra pudì realisar sulet 2'638 repatriaments. Quai scriva la NZZ am Sonntag e sa basa sin in rapport dal Departament federal da giustia. La quota dal 2014 munta uschia a var 17%. L'onn avant era quella anc tar 43%.
Italia na registrescha betg
Ina raschun principala è che l'Italia refusa da surpigliar in grond dumber da requirents d'asil perquai che quels n'èn betg registrads en l'Italia. L'onn passà èn radund 170'000 fugitivs arrivads en l'Italia. Blers da quels èn viagiads vinavant en la Svizra ed en auters stadis europeics e quai senza che las autoritads talianas han prendì dad els las improntas dal det. Questa registraziun dactiloscopica dals requirents d'asil è tenor la cunvegna da Dublin obligatorica e vala sco cumprova segira ch'in requirent d'asil è immigrà en in pajais e po uschia era vegnir repatrià. L'Italia ha dentant fatg da savair ch'ella na saja betg abla da registrar tut ils migrants pervi dal dumber uschè aut.
RR novitads 12:00