Legenda:
Ils purs ston tegnair cudesch davart il diever d'antibiotica tar lur animals.
Keystone
cuntegn
Svizra - Antibiotica: Reglas pli severas per ils purs
Cun duvrar antibiotica a moda betg adattada tar animals datti resistenzas che pon era esser mortalas per umans. Cun il prim d'avrigl valan perquai reglas pli severas per purs. Il Cussegl federal metta en vigur cun quest dis in midament da l'ordinaziun areguard ils medicaments per animals.
En Svizra vegn dà mintg'onn 50 tonnas antibiotica ad animals. Per la fabricaziun, la maschaida e la dosa correcta valan en l'avegnir prescripziuns pli severas. Veterinaris ston far dapli attenziun sch'els dattan per exempel a purs antibiotica sin reserva per tractar lur animals.
Privel per la sanadad publica
La resistenza d'antibiotica è entant daventada in privel per la sanadad publica. En Svizra moran mintg'onn pliras 100 persunas pervi d'infecziuns che na pon betg vegnir guaridas. En l'Uniun europeica vegn il dumber stimà cun 25'000 morts per onn.
