Legenda:
Inscunter cun la N'drangheta en Svizra-
ina sequenza da la polizia da la Calabria, publitgada en il ram da sia "Operazione Helvetica" en l'avust 2014.
Keystone
cuntegn
Svizra - Acziun encunter la N’drangheta en Svizra
En ils chantuns Turitg, Turgovia e Vallais ha la polizia arrestà 15 suspectadas d’esser commembras da la gruppaziun da la Mafia calabresa N’drangheta. Uss seguan las tractativas per extrader las persunas immediatamain en Italia.
Tranter las 15 persunas arrestadas èn 12 talianas dal chantun Turgovia. Ellas sesan uss en arrest d’extradiziun ha communitgà l’uffizi federal per giustia communitgà. Lez ha era ordinà l'entira acziun.
Las autoritads talianas rinfatschan a las persunas arrestadas dad esser commembras d’organisaziuns criminalas. Duas da las persunas arrestadas èn gia sentenziadas a 14 respectivamain 12 onns praschun.
Ad ellas vegn rinfatschà, da tutgar tar ina cella da la N’drangheta en il chantun Turgovia. La cella existia gia dapi 40 onns en la regiun da Frauenfeld.
