53% dals umens e 44% da las dunnas èn malsegirs sch'els vegnan vinavant ad utilisar las raits socialas. Quai rapporta la revista da novitads tudestga «Focus».
Ella sa basa sin ils resultats d'ina retschertga da l’institut demoscopic tudestg Emnid. Quel ha ils 20 e 21 da mars dumandà 1'010 persunas tar il tema social media. Per la dumonda, sch'ins reponderescha da sa retrair da las medias socialas èn però mo ils 624 participants vegnids en dumonda, che fan er effectiv diever.
50 milliuns datas enguladas
Da curt era vegnì enconuschent che l'interpresa Cambridge Analytica era vegnida a moda illegala tar las datas da 50 milliuns utilisaders da la rait sociala Facebook.
RR novitads 12:00