En Svizra è il dumber da las firmas ch'èn idas concurs creschì per 40% l'emprim mez onn – quai cumpareglià cun il medem temp da l'onn avant. Er cumpareglià cun la media dals dus onns avant corona – pia il 2018 e 2019 – saja il dumber per 10% pli aut, communitgescha il servetsch d'infurmaziun d'economia Creditreform. Tgi ch'haja anc pudì surmuntar la la pandemia cun daners d'agid statals, sentia uss la realitad. Ordvart blers concurs datti tar la branscha da farmazia e chemia. Là hai da pli che trais giadas tants concurs sco 2018/19, però er tar interpresas da servetsch.
Per l'entir onn quinta Creditreform cun 34% dapli concurs che l'onn avant. Fertant che chasadas privatas cumbattan cun l'inflaziun, pateschan firmas da problems da furniziun e dals pretschs auts per energia e materias primas.
25'445 novas firmas èn sa registradas en il register da commerzi, quai èn 3,8% pli paucas che 2021. Tenor Creditreform dettia dentant qua anc adina ina «ferma dinamica».
