Plinavant vul il Cussegl federal trametter ina delegaziun a la radunanza dal program per l'ambient da l'ONU. Quella duaja cunzunt sa metter en durant la radunanza per realisar las finamiras d'ambient globalas.
Cumbat cunter la polluziun – sfida mundiala
Il cumbat cunter la polluziun d'aria, d'aua e da rument è il tema da la conferenza dal program da l'ambient da l'ONU. La polluziun n'enconuschia betg cunfins naziunals, chaschunia mintga onn milliuns unfrendas, pericliteschia la varietad da las spezias e destrueschia sistems ecologics, scriva il Cussegl federal.
«Encunter ad in planet senza polluziun»
Cun il motto «Towards a pollution-free planet» (Encunter ad in planet senza polluziun) prenda la terza radunanza dal program da l'ambient da l'ONU per mauns quest tema ord perspectiva globala.
RR novitads 14:00