En connex cun il scandal da corrupziun tar il concern d'ieli brasilian Petrobras vegn la Surveglianza federala dals martgads da finanzas la Finma activa.
Ella haja avert ina procedura cunter 3 bancas svizras, conferma la Finma in rapport da NZZ online. Ils nums da las bancas na communitgescha ella dentant betg.
Cun controllar diversas bancas ha la Finma constatà che las 3 bancas han realisà mo a moda manglusa las prescripziuns davart la lavada da daners suspectus.
